Punto por punto nga ginpasigurado sang National Food Authority (NFA) Region 6 nga nakamentenar sang maayo ang ila warehouses kag facilities.
Sa interview sang Bombo Radyo kay Engineer Clark Obja-an, Facility Management Section sang National Food Authority Region 6, iya ginpahayag nga antes paman ma-distribute ang mga program sang talatapan, nagaagi ini sa ila section antes paman ma-implementar sa tagsa ka branches.
Suno kay Obja-an, magluwas sa pag-imbak sang mga buffer stock sang bugas, nagahatag man ang NFA sang administrative kag technical assistance sa branches kag offices sa Rehiyon VI.
Dugang sini nga nagakoordinar man ang talatapan sa tagsa ka Local Government Unit (LGU) sa pagpanagtag sang mga stocks ilabi na emergencies kag disaster relief program.
Nagapatuman naman sang monthly inspection kag monitoring ang NFA sa ila tagsa ka pasilidad agud mapasiguro nga well maintained ini ilabi na sa indi mapaktan nga hitabo.
Matapos ang inspeksyon, ginahimo-an ini sang report kag rekomendasyon kon makitaan man sang guba agud mapadala man sa regional office.
Pahayag pa sang natungdan nga on-going ang upgrading sang talatapan sa ila mga equipment lakip na ang pag-repair sang pila ka warehouses sa Capiz, Aklan, Dumalag, kag Sigma agud mapalawig pagid ang extremities sang serbisyo sang NFA.
