Naghagan-hagan na ang numero sang mga pasahero sa Parola Wharf subong nga hapon sang Huwebes Santo kun ikumpara ini kagina sang aga kun sa diin madamo ang mga nagatabok padulong sa Guimaras.
Sa interview sang Bombo Radyo kay Erlan Gatutoe, isa ka Engineer sang fiber boat, iya ginpahayag nga mas nakabawi na sila subong nga Semana Santa matapos ang pagsaka sang presyo sang gatong sa pungsod.
Suno sa iya,ginabulubanta nga yara sa 2,000 tubtob 3,000 ang mga pasahero nga nagbyahe pakadto sa Guimaras subong lang nga adlaw kag possible pa nga magdamo sa Byernes Santo bangud sa pagahiwatun nga Pagtaltal sa Balaan Bukid.
Madumduman nga apisar nga madamo ang mga sumalakay, ginapasiguro sa gihapon sang Coast Guard Station Iloilo nga ginasunod gid ang maximum capacity sang kada sakayang pandagat kun sa diin may ara man sang personnel nga gindeploy ang nasambit nga ahensya.
