CARLES, ILOILO – Nagnubo sa pito ang Persons Under Monitoring samtang wala na sang Persons Under Investigation sa Carles, Iloilo.
Sa interview sang Bombo Radyo kay Mayor Siegfredo Betita, iya ginpahayag nga ang isa ka Person Under Investigation ang ginpaidalom sa COVID-19 test apang negatibo ang resulta.
Suno kay Betita, sang nagligad nga bulan sang Marso, kapin sa 400 ang Persons Under Monitoring apang sa subong, 7 na lang ang nagapaidalom sa quarantine.
Ginpahayag ni Betita nga kasubong sa iban nga mga banwa sa probinsya sang Iloilo, hugot man ang ginapatuman nga border restrictions kag curfew sa banwa sang Carles.
