Obiena, bronze medalist sa Germany isa ka adlaw matapos nakuha ang indoor Asian title

Nabulsa sang Pinoy Olympian nga si Ernest John “EJ” Obiena ang bronze medal sa INIT Indoor Meeting Karlsruhe sa Germany.

Nakuha ni Obiena sa 5.70 meter-clearance sa isa lang ka attempt.

Nanguna naman sa kumpetisyon si Sondre Guttormsen sang Norway nga naka-clear sang 5.84m samtang nagpangaduha si Cole Walsh sang United States nga may 5.78m.

Isa ka adlaw antes sini nga kumpetisyon, nagkampyon si Obiena sa 12th Asian Indoor Athletics Championships sa China.

Espesyal ini nga kadalag-an para kay Obiena bangud ang amo nga gold medal amo na lang ang wala niya nakuha sa tanan nga major championships sa Asya.

Ginhandum kag gindumtan ini ni Obiena matapos nga nadag-an na ang mga kampyonato sa Asian Games, Southeast Asian Games, kag Asian Championships.

Ginapuntariya subong sang Pinoy pole vaulter ang 5.90m agud nga maka-qualify sa World Athletics Indoor Championships sa Poland sa Marso.