ANILAO, ILOILO – Nagapabilin nga asymptomatic ang isa ka Overseas Filipino Worker nga residente sang Anilao, Iloilo.
Si Patient no. 765 – 59 anyos nga babayi ang natalana na kun tani nga magbalik sa luwas sang pungsod apang nakumpirma sang Hulyo 20 nga nagpositibo siya sa COVID-19.
Suno kay Dr. Ma. Sophia Pulmones, pinuno sang Local Health Support Division sang Department of Health Region 6, sang Hulyo 14 sang nagkuha sang medical certificate sa Rural Health Unit sang Anilao ang nasambit nga pasyente bilang requirement sa pagbalik sa trabaho.
Hulyo 15 sang nagpadulong sa Anilao Municipal Police Station ang pasyente agud magkuha sang travel authority, Hulyo 16 sang nagkuha sang cedula sa munisipyo, Hulyo 18 sang ginkuhaan sang Swab sample kag pagkaligad sang duha ka adlaw, nagguwa na ang resulta sang confirmatory test.
Ang nasambit nga pasyente suno kay Pulmones ang naka-facility quarantine sa subong kag nagapadayon naman ang contact tracing.
