Ginpaulanan sang buyayaw ni United States President Donald Trump ang Iran samtang nagapaandam nga dal-on sini ang impyerno sa amo nga pungsod kun indi pa gihapon pagbuksan ang Strait of Hormuz.
Sa iya post, naghatag si Trump sang latid kag nagsiling nga ang Martes amo ang balantayan nga adlaw sa Iran nga gintawag sini nga “Power Plant Day” kag “Bridge Day.”
Lunes sang kaagahon pa lang subong (oras sa Iran).
Suno kay Trump, dapat nga buksan na ang Strait of Hormuz. Gintawag man sini nga mga buang-buang ukon “crazy bastards” ang Iran kag nagpalagas pa sang pamahog nga magapuyo sila sa impyerno.
“Tuesday will be Power Plant Day, and Bridge Day, all wrapped up in one, in Iran. There will be nothing like it,” suno sa Presidente. “Open the fucking strait, you crazy bastards, or you’ll be living in hell – just watch! Praise be to Allah.”
Natalana nga magpagwa sang dugang nga statement si Trump sa news conference sa Oval Office sa Lunes sang aga.
Abril 4 sang gab-i sang nagsiling si Trump nga 48 oras lang ang iya ihatag sa Iran bangud kun indi, makit-an gid nila ang impyerno.
“Remember when I gave Iran ten days to MAKE A DEAL or OPEN UP THE HORMUZ STRAIT,” pahayag ni Trump sa iya una nga post sa Truth Social. “Time is running out – 48 hours before all Hell will reign down on them. Glory be to GOD!”
Wala naman nagpalingkang ang Iran kag ginsabat ang paandam ni Trump. Gintawag ni General Ali Abdollahi Aliabadi sang Khatam al-Anbiya Central Headquarters nga ‘helpless, nervous, unbalanced and stupid action’ ang amo nga statement.#
