Ginapreprar na sang mga otoridad ang kaso batok sa construction worker nga nagbuno-patay sa isa ka pulis sa Barangay Pakiad, Oton, Iloilo.
Ang biktima amo si Police Staff Sergeant Erwin Calubayan, sang Criminal Investigation and Detection Group (CIDG) Iloilo kag residente sang Barangay Balabag, Dumangas, Iloilo.
Ang suspek naman amo si, alyas Dan, 40, construction worker kag residente sang Barangay Siniba-an, Dingle Iloilo.
Sa interview sang Bombo Radyo kay Patrolman Fritz Desbaro, imbestigador sang Oton Municipal Police Station, iya ginpahayag nga kaso nga murder ang ila ipasaka sa suspek.
Ini bangud patalikod ang pagbuno sini sa biktima kag ginplanuhan pa.
Nag-angkon naman ang biktima sang pilas sa tu-o nga porsyon sang iya tiyan kag gilayon nga gindala sa ospital apang ginbawian sang kabuhi.
Samtang, natiruhan naman sang biktima ang suspek sa diin naka-hospital arrest ini subong.
Selos naman ang ginalantaw nga nga motibo sa krimen bangud nagwa sa imbestigasyon nga lunsay nagapangaluyag ang biktima kag suspek sa isa lang ka babaye.
