ILOILO CITY – Halos na-distribute kag na-utilize na sang Iloilo City Social Welfare and Development Office (CSWDO) ang una nga batch sang Special Assistance to Individuals in Crisis Situation (Special AICS) sa mga pumuluyo sang syudad.
Ang AICS, ang ayuda nga ginahatag sa mga indibidwal ukon pamilya nga ginpaidalom sa enhanced community quarantine (ECQ).
Sa idalom sang Joint Memorandum Circular No. 2, Series of 2021 sang DSWD, Department of the Interior and Local Government (DILG), kag Department of National Defense (DND), nasaad nga ang mga Local Government Unit (LGU) ang matumod sa mga benefeciaries sa diin ang prayoridad amo ang mga tuman nga naapektuhan sang ECQ.
Kun ipaanggid sa social amelioration program (SAP), ang AICS ang mas inclusive.
Sa exclusive interview sang Bombo Radyo kay City Social Welfare and Development Officer Teresa Gelogo, iya ginpahayag nga sa P461 million nga ginpain nga budget para sa syudad, may mga wala pa naka-claim sang cash assistance.
Suno kay Gelogo, masunod nila nga hatagan sang ayuda amo ang mga nalakip sa waiting list.
Dugang nga P60 million man suno sa natungdan ang ginpain para sa mga additional nga benefeciaries.
Ini ang ginalakipan sang 20,808 ka mga indibidwal.
