Nalakip sa proposed national budget sa 2024 ang kabug-usan nga P543.4 billion para sa mga programa sa pagbag-o sa klima.
Malapit sa P100 billion ang ginsaka sini nga budget ipaanggid sa P453.11 billion nga yara sa 2023 National Expenditure Program (NEP).
Suno kay Department of Environment and Natural Resources (DENR) Secretary Antonia Yulo-Loyzaga, ipahat-pahat ang pondo para sa nagkalain-lain nga ahensya sang gobyerno agud masuportahan ang pagpatuman sang mga programa nga nakatuon sa climate change.
Lakip sa mahimo suno sa tiglikom amo nga maka-intra ang Department of Public Works and Highways (DPWH) sa pag-invest sa climate-resilient infrastructure; ang Department of Transportation (DOTr) nga makatutok sa climate-friendly transportation design; kag ang Department of Social Welfare and Development (DSWD) nga maka-preparar sa mga halit nga ituga sang mga bagyo.
Nagalaum si Loyzaga nga masuportahan sini nga pondo ang National Adaptation Plan kun sa diin na-outline ang direksyon sang pungsod para sa climate change adaptation.
Magluwas sa adaptation plan, na-mensyonar man ni Loyzaga nga maka-contribute man ang budget sa energy roadmap kaupod sa Department of Energy (DOE) nga amo naman ang naga-facilitate sa amat-amat nga pagsaylo sang pungsod sa paggamit sang renewable energy. #
