ILOILO – Ginpaathag sang Department of Health kun paano maglaton ang Novel Coronavirus.
Sa interview sang Bombo Radyo kay Dr. Mary Jane Juanico, pinuno sang Infectious Disease Section sang DOH Region 6, iya ginpahayag nga ang 2019 nCOV ang nagalaton halin sa isa ka tawo sa malapit nga distansya kaangay sang iban nga respiratory illnesses kag hilanat.
Suno kay Juanico, ini ang mahimo maglaton pinaagi sa droplets sang bodily fuids kaangay sang laway.
Ini ang madasig nga nagalaton kun naga ubo kag nagapangatsi ang tawo.
Ginpahayag ni Juanico nga ang virus ang mahimo maglawig sa sulod sang 10 ka minutos.
Mahimo man maglaton ang virus sa mga pulungukan ilabi na sa pampubliko nga salakyan sa tion nga ini ang matandog sang tawo nga naga ubo ukon nagapangatsi.
Ang incubation naman sang Coronavirus ang nagalawig sang 14 ka adlaw.
