Nagtuga sang pagbaha kag wala ginalauman nga insidente ang pag-ulan sa nagkalain-lain nga bahin sang pungsod bangud sa shearline kag easterlies.
Bangud sini, pila ka mga Local Government Units (LGU) ang nagsuspinde sang klase sa parte sang Luzon kag iban nga bahin sang lugar sa Visayas subong nga adlaw sang Lunes.
Ginbawian sang kabuhi ang isa ka indibidwal sa Camarines Sur kag isa naman ang ginpangita pa bangud sa pagtaob sini sang bangka nga ila ginasakyan sini dala sang mabaskog nga ulan sa lugar.
Samtang, sa Tayasan, Negros Oriental base sa video nga ila gin-post sa social media makita ang delikado nga pagtabog sang mga residente sa nagahagunos nga tubig sa spillway.
Ginbaha man ang bahin sang Victoria sa Oriental Mindoro kahapon sang weekend.
Samtang, naglab-ot naman sa tuhod ang pagbaha sa Tacloban City sa Leyte
Sa South Cotabato, tatlo ka mga barangay sa T’boli ang ginbaha kag naguba pa ang ila taytay nga gina-agyan bangud sa mabaskog nga ulan.
Naapektuhan man ang bahin sang Valencia City, Bukidnon, amo man sa Sa Cagayan de Oro City nga nagresulta sang pagkadula sang mga balay sang anom ka magpamilya.
Base sa forecast sang PAGASA, ang shear line kag easterlies ang nagadala sang pag-ulan sa Visayas, samtang ang easterlies naman ang nagadala sang pag-ulan sa bahin sang Mindanao.
