Wala pa sang mga lugar sa Pilipinas nga napaidalom sa anuman nga Tropical Cyclone Wind Signal kasunod sang pagsulod ni Bagyo Ferdie sa Philippine Area of Responsibility (PAR) 6:00 subong nga gab-i, Septyembre 13.
Sa latest weather bulletin sang PAGASA, nakasaad nga ulihi nakit-an ang sentro sang bagyo sa kalayuon nga 1,285 km nasidlangan naaminhan-nasidlangan sang Extreme Northern Luzon.
Dala sini ang kabaskugon sang hangin nga 85 km/h malapit sa sentro kag pagmadlos nga tubtub sa 105 km/h, kag nagahulag pa-naaminhan-nakatundan sa kadasigon ga 35 km/h.
Base sa track forecast, magaguwa man sa PAR ang bagyo buwas sa aga apang samtang yari ini sa Pilipinas, magapabilin nga tropical storm kag posible pa nga maghina. Ginalantaw nga magabaskog ini liwat kag mahimo nga severe tropical storm buwas ukon makalab-ot pa gani sa typhoon category samtang yara na sa East China Sea.
11:00 subong nga gab-i, gina-abisuhan naman ang mga residente sang Antique kag pila ka parte sang Iloilo nga mag-aligmat gid bangud sa risgo nga dala sang pag-ulan subong nga gab-i tuga sang Habagat.
Nagpaguwa ang state weather bureau sang red warning sa Antique — buot silingon, may posible nga “serious flooding” sa manubo nga mga lugar kag posible nga pagtiphag sang duta sa mataas naman nga mga lugar.
Sa Orange Warning, posible man ang pagbaha sa low-lying areas kag landslides sa mountainous areas.
Yari ang heavy rainfall warning levels nga ginpaguwa sang weather agency 11:00 subong nga gab-i:
RED WARNING LEVEL: Antique; SERIOUS FLOODING is expected in low-lying areas and LANDSLIDES in mountainous areas.
ORANGE WARNING LEVEL: Iloilo (San Joaquin, Miagao, Guimbal, Oton, Iloilo City, Tigbauan, Igbaras, Tubungan, Leon, Alimodian, Maasin, Janiuay, Lambunao); #Negros Occidental (Bacolod City, Bago City, Murcia, Valladolid, Pulupandan, La Carlota City, San Enrique, Pontevedra, Hinigaran, Binalbagan, Himamaylan City, Kabankalan City, Ilog, Cauayan, Candoni, Sipalay City, Hinoba-An, Isabela, Moises Padilla, La Castellana); #Capiz (Tapaz, Jamindan); #Aklan (Libacao, Madalag, Malinao, Buruanga, Malay, Ibajay, Nabas); FLOODING IS THREATENING in low-lying areas and LANDSLIDES in mountainous areas.
YELLOW WARNING LEVEL:Guimaras; #Aklan (Tangalan, Makato); #Negros Occidental (Talisay City, Silay City, Enrique B. Magalona, Manapla, Cadiz City, Victorias City, Sagay City, Escalante City, Toboso, Calatrava, Salvador Benedicto, San Carlos City); #Cebu (Sogod); FLOODING IS POSSIBLE in low-lying areas and LANDSLIDES in mountainous areas.
Gina-abisuhan man ang public and disaster risk reduction and management offices nga himuon ang kinahanglanon nga mga lihok para maprotektahan ang kabuhi kag propiedad.
“Persons living in areas identified to be highly or very highly susceptible to these hazards are advised to follow evacuation and other instructions from local officials. For heavy rainfall warnings, thunderstorm/rainfall advisories, and other severe weather information specific to your area, please monitor products issued by your local PAGASA Regional Services Division,” dugang halin sa weather bureau.#
