GUIMARAS – Ginalauman sang Guimaras Provincial Government ang liwat nga pagbangon sang turismo sang probinsya matapos ang pagpahanugot sang Department of Transportation nga ibalik na ang mga trapal sa pump boats.
Sa interview sang Bombo Radyo kay Governor Samuel Gumarin, iya ginpahayag nga tuman ka malipayon ang probinsya sang Guimaras sa nasambit nga aktu sang Department of Transportation.
Ginahulat na lang suno kay Gumarin ang mandu sang Maritime Industry Authority 6 kun san-o na ini mahimo ipatuman.
Ginpahayag ni Gumarin nga importante nga mahibaluan sang mga pasahero ang pagsulundan nga ginpaguwa ni Secretary Arthur Tugade kag ang specifications sang pagbutang sang trapal.
Positibo man si Gumarin sa ginaduso nga Umbrella Festival sang Department of Tourism nga mahimo makabulig sa pagtib-ong sang turismo sa probinsya.
