Naghatag sang paglaum, kasanag, kag kasadya sa mga tumuluo ang pagbukas sang Jubilee Year 2025 nga may tema nga “Pilgrims of Hope”.
Sa interview sang Bombo Radyo kay Benny Loreta, tumuluo, iya ginpahayag nga kinahanglan nga hugot ang pagtuo sang mga tawo sa Ginoo agud makaangkon sang milagro sa kabuhi.
Suno kay Loreta, ang kahiwatan ang isa ka panawagan sa tagsa ka katoliko agud mag-upod kag mag-isa sa simbahang katolika.
Apisar sang ulan, wala ini nangin upang sa ila agud magprosisyon humalin sa St. Clement’s Church padulong sa National Shrine of Our Lady of Candles (Jaro Cathedral).
Nahibaluan nga ang Jubilee Year ang ginahiwat agud mag-imbitar agud mag-reflect sa personal nga journey sang pagtuo, relasyon sa Ginoo, kag mga pamaagi nga maisakabuhi ang baptismal promises.
Kaangot diri, pito ka mga simbahan ang gindesignar sang Archdiocese of Jaro bilang pilgrimage churches may kaangtanan sa selebrasyon sang Jubilee year sa 2025.
Ini ginalakipan sang mga masunod: Jaro Metropolitan Cathedral nga amo ang National Shrine of Our Lady of Candles Parish; St. Nicholas of Tolentino Parish sa Cabatuan; St. Michael the Archangel Parish sa San Miguel, Jordan, Guimaras; St. Thomas of Villanova Parish sa Miagao; Patronage of St. Joseph Parish sa Pototan; Sts. Peter and Paul Parish sa Barotac Viejo; Holy Rosary Chapel sang Dominican Sisters of the Most Holy Rosary of the Philippines sa Molo, Iloilo City.
