Pagdakop kay Bato, kabahin sang paghatag sang hustisya sa drug war victims —DOJ

Ginsabat ni Justice Secretary Fredderick Vida ang accountability kun ngaa kinahanglan nga arestuhon si Senator Ronald “Bato” Dela Rosa kasunod sang arrest warrant halin sa International Criminal Court (ICC).

Kabahin ang pagdakop sa former PNP Chief suno kay Vida para maangkon ang hustisya nga madugay na ginapangita sang mga pamilya sang mga biktima sang maduguon kag kontrobersyal nga drug war campaign sang Duterte administration.

“Patay na sila. Hindi na sila pwedeng kumuha ng abugado. Hindi na sila pwedeng kumuha ng TRO. Ang obligasyon ng gobyerno, alalayan [sila], tulungan para ‘yung sinasaliksik nila at hinahanap na katarungan makamit. At ito po, ang pag-aaresto kay Sen. Bato ay bahagi nito,” suno sa tiglikom.

Kahapon sang ginpagwa sang DOJ ang mandu sa PNP kag NBI nga arestuhon si Dela Rosa nga ginatawag na nga “fugitive from justice” matapos nga ginbasura sang Supreme Court ang iya ginapangabay nga temporary restraining order (TRO).

Ginkumpirma man sang ahensya nga nakapasa na sila sang request para sa Red Notice sa Interpol batok kay dela Rosa.

Suno sa DOJ, kabahin ini sang legal nga proseso agud mapatuman ang arrest warrant nga ginpagwa sang ICC may kaangtanan sa mga kaso nga crimes against humanity kaangot sa “war on drugs” campaign.

Sa website sang Interpol, ginpaathag nga ang red notice amo ang request sa law enforcement sa bilog nga kalibutan nga tultulon kag arestuhon (provisionally) ang isa ka tawo samtang pending ang extradition, surrender, ukon similar legal action.#