Atensyon sa tanan nga mahilig magluto!
Sa tunga sang nagapadayon nga pandemya, ang iban nag-ala ‘professional chef’ na sa ila tagsa ka mga balay bangud sa pagtuon sang nagkalain-lain nga mga recipe halin sa internet.
Apang ang imo pagluto kag pagpreparar sang pagkaon sa aga, udto kag hapon ang indi lamang makabulong sa imo kagutom.
Suno kay Dr. John Moore, senior health specialist sa Pennsylvania sa Estados Unidos, ang pagluto kag pagtuon sang mga recipe ang makapaboost sang mental kag physical health.
Pahayag ni Moore, ang pagluto kag pagtuon sang bag-o nga recipe ang isa ka stimulating activity nga makahatag sang powerful cognitive benefits sa utok.
Ang pagluto suno kay Moore ang makapasangkad man sang self-confidence bangud nagahatag ini sang sense of independence sa isa ka tawo nga magpili sang ingredients nga kihadon kag panakot nga ilakot sa linuto.
Pabor man ang pagluto suno sa doktor sa mga tigulang bangud isa ini sa pamaagi nga mangin busy, focused kag alerto sa gihapon ang ila paminsaron samtang naga-enjoy sa pagluto sang paborito nga sud-an ukon recipe.
