ILOILO – Ginarespeto sang Philippine Drug Enforcement Agency (PDEA) Western Visayas ang desisyon ni Presidente Rodrigo Duterte sa pagsipa kay Vice President Leni Robredo bilang co-chair sang Inter-Agency Committee on Anti-Illegal Drugs (ICAD).
Sa interview sang Bombo Radyo kay Ms. Shey Tanaleon, ang public infomation officer sang PDEA 6, iya ginpahayag nga nagapati ang ila pamunuan nga ang desisyon sang presidente ang may yara sang basis.
Suno kay Tanaleon, apisar sini, padayon sa gihapon ang ila nga pag-obra sang ila mandatu bilang lead agency sa anti-illegal drugs campaign.
Dugang ni Tanaleon, padayunon nila ang ila nga ginsuguran kag nagalaum sila sa masunod nila nga mangin kaupod sa ila kampanya.
Dugang ni Tanaleon, wala man sang deperensya sang tion nga co-chair pa ang bise presidente kag subong nga indi na, tungod ‘manubo man lang ang tini-on nga nangin co-chair siya.’
Ginpahayag man ni Tanaleon nga respetuhon man nila ang desisyon sang presidente kung sin-o man ang iya nga bag-o nga i-designate bilang partner ukon co-chair.
Nahibaluan nga sang Nobyembre 24, Domingo, sang ginpahalin ni Duterte si Robredo sa iya pwesto.
