Padayon pa nga nagapatigayon sang search and rescue operations ang Philippine Coast Guard (PCG) para sa walo ka mga indibidwal nga ginakabig nga “missing” sa gihapon matapos ang sunog sa MV June Aster sang Septyembre.
“Ongoing pa rin ang ginagawang search and rescue ng Philippine Coast Guard (PCG), yan naman ang intensyon natin ang makita ang mga hinahanap natin,” suno kay PCG spokesperson Commodore Noemi Cayabyab.
Dugang pa ni Cayabyab, wala pa na-downgrade ang operasyon nga mangin isa ka retrieval mission bangud nakabaton ang mga otoridad sang impormasyon nga posible nga may yara sang mga indibidwal nga nakaluwas sa trahedya.
Nagagamit naman ang PCG sang search and rescue optimization plan system agud nga mas mangin systematic kag scientific ang operasyon.
Nahibaluan nga ginapatigayon ang operasyon sa mga pulo sang Palawan kag pila pa ka mga area sa South Tagalog kun sa diin dako ang posibilidad nga nalab-ot ini sang mga biktima.
Sa karun, padayon man ang pakipagkig-angot sang mga otoridad sa mga probinsiya kag coastal areas samtang nagapadayon sa gihapon ang pagpalapnag sang impormasyon.
“Patuloy pa rin ang ating pakikipag-ugnayan sa mga kalapit na probinsya at mga coastal barangays, continue pa rin ang ating information dissemination,” suno kay Cayabyab.
Madumduman nga masobra 77 ang nagtaliwan kag 43 naman ang survivors sa amo nga trahedya sa barko.
