ILOILO CITY– Welcome development para kay Iloilo City Lone District Cong. Jam Jam Baronda ang pagpapauli sang Overseas Filipino Workers nga na stranded sa Metro Manila.
Sa interview sang Bombo Radyo kay Baronda, iya ginpahayag nga nagakalipay ang Overseas Filipino Workers sang nabati-an ang maayo nga balita.
Suno kay Baronda, nagapasalamat siya sa Inter-Agency Task Force kag sa alkalde sang syudad sang Iloilo bangud sa nasambit nga development.
Ginpahayag ni Baronda nga natinlu-an na ang pila ka hotel kag ang John B. Lacson Foundation Maritime University nga magaserbe nga quarantine facility kun sa diin per batch ang pagpapauli sang mga Overseas Filipino Workers apang wala pa sang petsa kun san-o ini matabo.
Buwas nga adlaw, Abril 24, igapaidalom sa PCR testing ang mga magapauli nga Overseas Filipino Workers.
