Pormal na nga ginbuksan ang Palarong Pambansa 2026 sa Agusan Del Sur.
20 ka regional teams nga ginabug-usan sang masobra 13,000 delegates ang nagtilipon sa matahum nga opening ceremonies sa Datu Lipus Makapandong Governor D.O. Plaza Sports Complex sa banwa sang Prosperidad kagab-i, Mayo 24.
Ang Palarong Pambansa ang ginatawag sa Agusan nga Palaro Tu Agsur. Magalawig ini tubtub sa Mayo 30, 2026.
Sa amo nga seremonya, gin-play man ang video message ni President Ferdinand Marcos Jr.
Gin-anunsyo sini nga sa labing-una nga tion, makabaton ang medalists sang incentives halin sa Philippine Sports Commission (PSC). Lakip diri ang medalists sa regular sports kag paralympic games.
“Masaya akong ibalita sa inyo, sa kauna-unahang pagkakataon, maglalaan ang Philippine Sports Commision ng mga incentive para sa mga medalista sa regular sports at paragames bilang pagkilala sa inyong husay,” suno kay Marcos.
Kun balikan, ang medalists masami nga nagabaton sang insentibo halin lamang sa Department of Education (DepEd) kag sa ila tagsa ka local government unit (LGU).
“Alam ko na gagawin ninyo ang lahat ng inyong makakaya, ngunit huwag ninyo g kalimutan, mag-enjoy na rin. Marami kayong matutunan sa Palarong ito na madadala ninyo kahit saan man kayo magpunta. Dito ninyo matututunan ang disiplina, tiyaga, respeto, at malasakit sa kapwa,” dugang sang presidente.
Ang nag-representar kay Marcos sa Agusan del Sur amo si Special Assistant to the President Antonio Lagdameo.
Sa iya mensahe, gin-report sini ang padayon nga suporta sang gobyerno sa mga school sports clubs sa bilog nga pungsod.
Masobra sa 6,000 ka mga eskwelahan suno sa iya ang equipped na sang sports supplies kag equipment halin sang 2022 tubtub sang 2025. Gindugang sini nga may mga eskwelahan pa nga makabenepisyo sa sini nga programa.
Gin-engganyo man sini ang kabataan nga mag-compete nga may dungog kag respeto sa kaangay nila nga mga atleta.#
