Nakaagum sang gold medal ang Filipino veteran para swimmer nga si Ernie Galiwan sa 5th Asian Para Games nga ginhiwat sa Aichi-Nagoya, Japan, sang Oktubre 19.
Nagapanguna si Gawilan sa men’s 400-meter freestyle S7 podium nga ginpatigayon sa sulod sang Rainbow Pool sa Nagoya City General Gymnasium.
Nakuha sini ang third straight gold sa record nga four minutes kag 56.72 seconds.
Malipayon niya nga gin-dedicate ang panibag-o nga kadalag-an sa iya nga pamilya.
“Masaya ako kasi di ko akalain kaya ko pa mag sub-five minutes sa 400m. 35 years old na ako ngayon so kung sisipagan lang talaga yung training and focus talaga,” iya ginpahayag sa isa ka interview.
Samtang, naka-secure naman ang nasambit nga para swimmer sang pwesto sa 2028 Los Angeles Paralympics suno kay national para swimming coach Tony Ong.
“He’s already qualified in the 2028 LA Olympics because of his time,” siling ni Ong.
Nahibaluan nga ikatlo ini nga sunod-sunod nga gold haul ni Galiwan sa Asian Para Games kag ikalima ini sa kabug-usan, matapos ang iya kompetisyon sa Jakarta sang 2018 kag Hangzhou, China sang 2023.
