Dakop ang isa ka lalaki nga ginapahayag may problema sa paminsaron matapos sini nga gin-karnap ang isa ka nakaparada nga police patrol car sa Alegria, Surigao del Norte.
Nagguwa sa imbestigasyon sang mga pulis nga gin-park lang ang patrol car sa atubang mismo sang police station apang ginbilin man ang yabi.
Ginapahayag nga nagpa-CR lang ang driver, apang madasig man ang isa ka lalaki sa paghingalit sa salakyan.
Sang nahibaluan nga nangindulaan na ang patrol vehicle, gin-alerto ang iban nga police station kag nabawi ini sa suspek sa banwa sang Gigaquit.
Ang natabo, ang lalaki nga nag-karnap, nadalahig pa gid sa isa ka gamo sa bus gani nga gindala man ini sa police station.
May gin-file nga complaint sa lalaki — carnapping kag damage to property.##
