Wasak ang bumper sang patrol car sang Balasan Municipal Police Station matapos nahulog sa kilid sang dalan sa Barangay Ipil, Balasan, Iloilo matapos nga masag-iran sini ang isa ka private vehicle.
Ang nagamaneho sang patrol car amo si Pol. Corporal Mark Chavez.
Sa interview sang Bombo Radyo kay Police Staff Sergeant Ramon Allan Elambre, imbestigador sang Balasan MPS, iya ginpahayag nga nagikan sa Estancia ang patrol car kag pabalik na kuntani sa estasyon sang pulis.
Pag-abot sa Barangay Ipil, aksidente sini nga na-sideswipe ang isa ka Sports Utility Vehicle (SUV).
Nahalitan man ang wala nga bahin sang SUV nga ginamaneho ni Manuel Morales, residente sang banwa sang Estancia.
Pareho man nga hilway sa katalagman ang duha ka mga driver.
