Nagdepensa naman si Punong Barangay Elfren Cenayo sang Barangay Don Esteban-Lapuz sa pahayag ni Cong. Jam-Jam Baronda nga nagdamo ang informal settlers nga nagapuyo malapit sa creek sang siya ang nagapungko nga Punong Barangay sa Don Esteban.
Sa interview sang Bombo Radyo kay Cenayo, iya ginpahayag nga indi man dali-dali nga masolbar ang problema sa Budburan Creek bangud kinahanglan ang husto nga pagplano kag koordinasyon antes ipatuman ang mga proyekto.
Suno pa kay Cenayo, dapat anay magkonsulta ang barangay officials sa mga residente nga direkta nga apektado.
Importante suno sa iya ang koordinasyon agud nga matigayon sang maayo ang isa ka proyekto.
Apisar sini, ginpasalamatan sa gihapon ni Cenayo si Baronda sa mga proyekto nga ginhatag sang kongresista sa barangay.
Pahayag pa sini nga nagatinguha man ang iya liderato nga mapaayo ang kahimtangan sang Don Esteban-Lapuz.
