Ginaubra gid sang gobyerno suno kay President Ferdinand Marcos Jr., agud matigayon na nga makabalik sa Pilipinas si Anay Ako Bicol Rep. Zaldy Co gikan sa Czech Republic.
Ini matapos nga ginpahayag nga naaresto na ang anay kongresista sa amo nga pungsod matapos nga nagkulang ang iya mga travel documents, rason nga nagapabilin sa gihapon ini sa kustodiya sang mga awtoridad.
Suno sa presidente, nagmando na siya sa Department of Justice kag Department of Foreign Affairs nga tutukan kag gilayon nga iproseso ang mga kinahanglan nga mga dokumento.
Ginpakigbahin man ni Marcos nga magapadala man ang pungsod sang High level Coordination Team sa Czech Republic agud tutukan si Co.
Dugang pa niya nga indi man mapadali-dali gid ang pagpauli sa anay kongresista bangud madamo pa ang asikasuhon antes ini nga madala balik sa Pilipinas.
