ILOILO – Bukas sa pagbaton sang aplikante ang Philippine Coast Guard bilang kabahin sang massive recruitment subong nga tuig.
Sa Good Morning Philippines Program, ginpahayag ni Captain Erlinda Benliro, station commander sang Philippine Coast Guard-Iloilo, 4,000 ka personnel ang kinahanglan sang ahensya santo sa mandu ni Philippine Coast Guard Commandant Vice Admiral Joel Garcia,
Suno kay Benliro, target sang ahensya nga magbaton sang 6,000 sa 2020 kag dugang nga 4,000 sa 2021 para sa officer kag enlisted personnel.
Ginpahayag ni Benliro nga para sa mga aplikante sa officer personnel, dapat nga may yara sang baccalaureate degree, Civil Service ukon Board Passer, Filipino Citizen kag naga-edad sang 21-24 anyos.
Para naman sa mga aplikante sa enlisted personnel, dapat nga may yara sang at least 72 units sa kolehiyo, Technical Education and Skills Development Authority NC 2 holder kag naga-edad sang 18-26 anyos.
Ang tanan nga aplikante ang nagakadapat nga physically kag mentally fit kag nagataas sang 5’0”.
Kun makapasa sang requirements, pagahatagan sang stab ang aplikante agud nga makakuha sang examination sa diin diri sa Iloilo, ini ang patigayunon sa Disyembre 7 apang kahapon nga adlaw, ginpatigayon na ang examination sa Negros Island.
Ang resulta sang examination ang i-post sa website sang Philippine Coast Guard kag kun makapasar, ang aplikante ang ipaidalom medical examination kag interview.
Ang mga makapasar ang ipaidalom sa 6 months nga training para sa enlisted samtang 1 year naman para sa officer sa diin samtang naga-training, ginpahayag ni Benliro nga may yara na sang sweldo nga igahatag.
