ILOILO CITY – Ginahingyo sang Panay Electric Company (PECO) sa Energy Regulatory Commission (ERC) nga ihatag ang ‘specific areas’ sa syudad sa diin nangin ‘violative’ ukon may mga nagluntad nga problema sa ila mga poste.
Ini ang ginhanda nga sabat sang PECO sa resulta sang imbestigasyon sang ERC naangot sa pole fires sa syudad sa diin ginpahayag nga dapat maghatag sang rason ang nasambit nga power company kun ngaa indi sila pagpasakaan sang kaso.
Sa interview sang Bombo Radyo kay Atty. Estrella Elamparo, legal counsel sang PECO, iya ginpahayag nga madamo ang poste sang PECO sa syudad kag mabudlay magbanta-banta kun sa diin nga partikular nga lugar ang may problema.
Ginahingyo man sang PECO nga samtang wala pa ma-identify ang mga lugar kon diin nahamtang ang mga poste nga ginakabig ‘violative’, kuntani dugangan ang tiyempo nga ihatag sa ila sa pagsumite sang report.
Nahibaluan nga nakabutang sa mandu sang ERC nga dapat i-sumite ang report 30 ka adlaw pagkatapos mabaton ang order.
Dugang pa sang natungdan, wala sang nabutang sa findings sang ERC nga may partikular nga kaso sang pole fires nga naangot sa ila mga poste.
Yari ang kabahin sang resulta sang imbestigasyon sang ERC sa ginpatigayon nga ocular inspection kaupod ang Office with the City Mayor kag PECO sang Nobyembre 4-8:
1. Inadequate protection devices of electricity lines that caused overloading and melted/burned insulation wires;
2. Sixteen (16) concrete poles and eleven (11) wooden poles were found leaning which is beyond the limit prescribed under Article 1.7.9 (Poles and Sag of Wires) of the Amended Distribution Services and Open Access Rules (DSOAR);
3. PECO allowed several telecommunication companies to use its distribution facilities in an unsafe manner which is in violation of the safety requirements of the Philippine Electrical Code (PEC), kag;
4. Out of the twenty-nine voltage testing conducted, three were measured under-voltage (182.9 volts). This is in violation to Article 1.7.6. (Nominal service Voltage) of the Amended DSOAR.
Nahibaluan nga ginpatigayon ang imbestigasyon pagkatapos sang sulat halin sa opisina ni Iloilo City Mayor Jerry Treñas kaangot sa ‘franchise area’ sang PECO.
Una na nga ginpahayag ni Treñas nga wala siya nagapamersonal sa pamilya Cacho kag sa pagkamatuod, abyan niya ang tag-iya sang PECO, apang luyag lang niya athagon nga bilang isa ka public utility, kinahanglan nga mahangpan sang pamilya Cacho nga dapat maayo ang serbisyo nga ginahatag sa pumuluyo.
