Tuman ka sakit kag mabudlay para sa pila ka mga driver ang pagsaka sang produktong petrolyo subong nga adlaw.
Sa interview sang Bombo Radyo kay Alyas T oto, isa ka delivery truck driver, iya ginpahayag nga dako nga epekto para sa ila kag sa ila kompanya ang pagtaas sang presyo sang gatong.
Suno pa sa iya nga kagab-i pa lang nagakaubusan na sang ordinaryo nga diesel nga iya ginatughong sa iya ginadrive nga truck, rason nga special diesel ang iya ginabakal nga nagadugang pa sang iya palaligban kun sa diin kuhaon ang kwarta sa pagbakal sang mahal nga gatong.
Ginpahayag pa sini nga nagalab-ot sang 60 ka litro ang kapasidad sang tangke sang truck nga iya ginabyahe kag kun magapadayon pa ang mataas nga presyo sang gatong, buhinan man sang kompanya ang ginahatag sa ila nga pang-gatong kag depende na lang sa ila kun paano nila ini paiguon.
Dugang pa sini nga magluwas nga nabudlayan na sila, masakit man sa ila bulsa ang nagakatabo nga ila ginakonsidera bilang halit sa ila pangabuhian.
