Wala na makatulog ang pila ka mga pumuluyo sa Barangay Sto. Niño Sur, Arevalo tungod sa mabaskog nga balod kag hangin dala sang Bagyong Uwan.
Sa interview sang Bombo Radyo kay Robert Cagbay, iya ginpahayag nga nag-usmod ang flooring sang ila kusina kag CR kagab-e pasado `las-10:00. Guba ang pila nila ka mga gamit kag nagkalabuka ang ila mga pinggan.
Temporaryo nila ginbutangan sang sako nga may unod nga balas ang ila sala agud mahagan-hagan ang pagsaka sang balod.
Sa karon, padayon ang ila pag monitor sa sitwasyon sang panahon kag kabaskugon sang hangin.
By: Bombo Bryan Gonzales
