Ginbawi na sang Pilipinas ang pagpatuman sang ban sa importasyon sang domestic kag wild birds amo man sang poultry products halin sa France.
Santo ini sa Memorandum Order No. 13 nga ginpaguwa ni Department of Agriculture Secretary Francisco Tiu Laurel Jr.
Ini nga development ang kasunod sang report sang French authorities sa World Organization for Animal Health (WOAH) nga nagtapos na ang tanan nga kaso sang highly pathogenic avian influenza (HPAI) nga may resolved status.
Wala naman sang dugang nga outbreaks halin sang Pebrero 4, 2025.
Matandaan nga Septyembre 2024 sang ginmandu sang DA ang temporary importation ban sa mga pispis kag poultry products halin sa France bangud sa avian flu outbreak sa amo nga pungsod sa Europa.
“The lifting of the ban is expected to ease trade tensions and support the poultry industry, which has been adversely impacted by the restrictions,” suno sa ahensya.
“However, the DA has emphasized the continued monitoring of all incoming shipments, with strict quarantine protocols to ensure the country’s biosecurity remains uncompromised,” dugang sa press release.
