Ginkumpirma ni newly-elected Senate President Tito Sotto nga si Senate President Pro Tempore Panfilo “Ping” Lacson na ang bag-o nga chairperson sang gamhanan nga Blue Ribbon Committee.
Buslan sini si Sen. Rodante Marcoleta sa amo nga posisyon sa kasagsagan sang imbestigasyon sang upper chamber sa flood control scandal.
Sa inisyal nga pamangkot kay Sotto kaina, nagrason ini nga indi makatinir si Marcoleta bilang head sang Blue Ribbon panel bangud indi ini miyembro sang majority kasunod sang pag-ilis sang liderato sa Senado subong nga adlaw, Septyembre 8.
“He is not a member of the majority. The Blue Ribbon is reserved for the majority,” pahayag sang Senate leader.
Kaina, si Marcoleta pa ang nag-preside sa hearing sang panel sang ginpangbulgar sang mag-asawa nga sanday Pacifico “Curlee” Discaya kag Cezarah “Sarah” Discaya ang pangalan sang mga kongresista kag government officials nga involved sa kurapsyon sa mga proyekto sa flood control.#
