Gindudahan sang isa ka eksperto sa political law ang posibilidad nga matuman ang plano sang House of Representatives nga pagpakita sa publiko sang bicameral conference committee deliberations, nga magatukib una sa 2026 national budget bill nga igahatag sang ika-20 nga Kongreso.
Sa interview sang Bombo Radyo kay Atty. Joenar Pueblo, isa ka kilala nga Bombo Abogado, ginpahayag sini nga magahampang sang dako nga papel ang political dynamics ukon ang pagbag-o, interaksyon, kag pag-ukoy sang poder, impluwensya, kag interes sa sulod sang sistema sang politika sa nasambit nga plano.
Suno kay Pueblo, indi ini palanggaon sang pila ka mga mamalidha, labi na ang mga myembro sang bicameral conference committee bangud malimitahan ang ila mga lihok kag estratehiya. Dugang pa ni Pueblo, madamo nga mga aktibidad sa bicam deliberations ang kabudlay ipakita sa publiko bangud sa sensibilidad sang ila mga desisyon kag transaksyon.
Ginpalab-ot ini matapos ang pamahayag ni House Speaker Martin Romualdez nga dapat buksan sa publiko ang deliberasyon bilang paagi sa transparency kag pagbato sa korapsyon.
Ginalakipan man ini sang pag-file sang joint resolution sang anum ka House minority lawmakers nga nagapanawagan sang mas bukas nga proseso sa pagsaysay sang budget.
Padayon nga ginabantayan ang tikang sang Kamara kun matuman gid bala ang ila ginpasalig sa publiko.
