Ginpaandaman sang Philippine National Police Anti Cybercrime Group ang publiko nga maghalong sa bag-o nga version sang “Romance scam” subong nga Love Month.
Sa interview sang Bombo Radyo kay Police Lt. Arthvic Velasquez, Chief sang Operation Section sang Regional Anti-Cybercrime Unit VI, iya ginpahayag nga kaangay sang tradisyunal nga Love scam, nagapangita ang mga scammer sang mga biktima nga makarelasyon pinaagi sa mga dating app kag social media sites.
Ang kinalain lang suno sa natungdan sang bag-o nga modus sa orihinal nga Love scam amo nga sa baylo nga magpangayo sang kwarta sa biktima sa tion nga mahulog na ang buot sini sa scammer, ginaengganyo ang biktima nga mag-invest sa isa ka peke nga crypto-currency website.
Sa tion nga mag-invest ang biktima, diri kag madula ang website kag indi naman magpabatyag ang suspek.
Panugyan ni Velasquez, sa mga nagapangita sang paghigugma sa internet, mangin mahinalungon sa mga makilala pinaagi sa social media.
