Ginklaro sang mga doctor ni Pope Francis nga indi pa gihapon hilway sa katalagman ang Santo Papa apang indi man ini tagumatayon.
“The question is, is the pope out of danger? No, the pope is not out of danger,” suno kay Professor Sergio Alfieri sa ginpatigayon nga press briefing kaangot sa kahimtangan sang 88-anyos nga Pope. “If you then ask whether he is in danger of dying at this moment, the answer is still no.”
Sa pagkamatuod, ginbuhinan na ang amount sang medication nga ginhatag sa iya, apang gina-require nga magtinir sang isa pa ka semana sa medical facility.
Nahibaluan nga isa ka semana na nga yara sa ospital sa Roma ang Santo Papa. Una ginsiling nga may bronchitis, apang nag-develop sa double pneumonia ukon apektado gid ang iya duha ka mga baga.
Suno kay Alfieri, ang risgo sa sini nga mga kaso amo ang pagresulta sa sepsis nga isa na ka life-threatening condition.
Ginsiling man nga may chronic lung condition subong ang Pope kag makabig nga “fragile patient”.
Indi magpasugot ang doctor nga magguwa ini sa ospital bangud pat-od suno sa ila nga kun ibalik ini sa Santa Marta nga amo ang iya ginapuy-an sa Vatican, magabalik naman ini sa trabaho kag makapoy ang lawas.
Ginatugyan man sa Santo Papa ang pag-desisyon kun pangunahan sini ang Angelus prayer halin sa hospital window sini nga Domingo.
Sa Pilipinas, una na nagpaguwa sang panawagan ang church officials nga nagahingyo sa mga tumuluo nga mag-organisar sang community prayers kag Holy Hour para nga mapangamuyo ang recovery sang lider sang Roman Catholic Church.#
