Gin-engganyo ni Pope Francis ang mga tumuluo nga likawan ang social media kag ituon ang atensyon sa pagpangamuyo.
Kalakip ini sa iya nga homily sa misa sini sa Vatican kadungan sang Ash Wednesday.
Suno pa sa 87-anyos nga Santo Papa, importante nga mag-reflect ang mga tawo ilabi na sa tion sang Semana Santa.
Indi lang lunsay hampang ang kabuhi suno sa iya bangud ang Kuwaresma ang isa man ka imbitasyon nga magbalik sa reyalidad.
“Life is not a play: Lent invites us to come down from the stage and return to the heart, to the reality of who we are. Let us not be afraid to strip ourselves of worldly trappings and return to the heart, to what is essential,” kabahin sang pahayag sang Santo Papa.
Ini nga aktibidad sang Santo Papa ang ginpatigayon sa Basilica of Santa Sabina sa Aventine Hill sa Roma kag ginsundan sang pangamuyo sa kaiping nga simbahan kag prusisyon sang mga kardinal kag obispo. #
