Ginkumpirma sang Vatican nga nag-suprer liwat si Pope Francis sang duha ka panibag-o nga episodes sang acute respiratory failure, buot silingon, ginbudlayan naman ini sa pagginhawa.
Sa update nga gin-release Lunes sang gab-i sa Roma kag Martes sang alas dos sa kaagahon naman oras sa Pilipinas, ginsiling nga ang acute respiratory insufficiency ang resulta sang pagtingob sang endobronchial mucus kag consequent bronchospasm.
Bangud sini, ginpatigayon ang duha ka bronchoscopies.
Sang Lunes sang hapon naman, ginbalik ang non-invasive mechanical ventilation agud nga makaginhawa ini sang maayo.
Suno sa Holy See Press Office, nagapabilin nga alerto ang Santo Papa kag naga-kooperar sa mga nagabulong sa iya.
Yari ang statement:
“Today, the Holy Father suffered two episodes of acute respiratory insufficiency, caused by a significant accumulation of endobronchial mucus and consequent bronchospasm.
“Two bronchoscopies were therefore performed, with the need to remove large secretions.
“In the afternoon, non-invasive mechanical ventilation was resumed. The Holy Father remained alert, oriented and cooperative at all times.
“The prognosis remains guarded.”
Sang Domingo, ginsiling sang Vatican nga stable na ang kondisyon sang Pope kag wala sang hilanat. Nakaupod man ini sa misa, nagpahuway, kag nagpangamuyo liwat.
Sang amo man nga adlaw, nakabaton pa ini sang bisita sa ospital nga amo si Italian Cardinal Pietro Parolin nga nagaserbe nga secretary of state sa Vatican kag si Edgar Pena Parra, isa ka Venezuelan archbishop nga makabig man nga senior Vatican official.
Pebrero 14 sang gindala sa Gemelli Hospital si Pope Francis kag subong wala pa sang kaklaruhan kun san-o makaguwa bangud sa ginasuprer sini nga double pneumonia.
