Indi na kinahanglan ang paggamit sang “non-invasive mechanical ventilation” agud nga makaginhawa si Pope Francis.
Base ini sa statement sang Vatican nga gin-release alas dos subong nga kaagahon oras sa Pilipinas.
Pahayag sang Holy See, nagapabilin nga estable ang kondisyon sang 88-anyos nga Santo Papa, wala sang hilanat, apang kinahanglan lamang ang supplemental high-flow oxygenation ukon paagi sa gamay nga hose sa iya nga ilong.
Sa Domingo sang aga oras sa Roma, nagpartisipar man ang Pope sa Holy Mass upod ang mga nagatatap sa iya samtang yara sa ospital.
Pagkatapos sini, nagpangamuyo ang Santo Papa kag nagpahuway:
Yari ang statement:
“Today, too, the Holy Father’s clinical condition has remained stable. The Pope has not required non-invasive mechanical ventilation, but only supplemental high-flow oxygenation. He does not have a fever.
Given the complexity of the clinical picture, the prognosis remains guarded.
This morning, the Holy Father participated in Holy Mass, together with those who have been caring for him during these days of hospitalization. Afterward, he alternated rest with prayer.”
Una na nga ginkumpirma nga nagpakigkita kay Pope ang duha ka Vatican officials, kag ginpadala man sini ang iya pagpasalamat sa mga nagapangamuyo sa iya.
Nagbisita man sa iya sa ospital ang ikaduha sa pinakamataas nga opisyal sa Vatican nga si Cardinal Pietro Parolin kag ang deputy sini apang wala na gin-release sang Vatican kun ano ila nahambalan.
Sang Pebrero 24, matandaan nga nakig-istorya man ang Pope kay Parolin kag sa iya deputy sa Gemelli Hospital.
Ini na ang pang-17 nga adlaw ni Pope Francis sa ospital bangud sa ginasuprer sini nga double pneumonia ukon ang seryoso nga impeksyon sa duha ka mga baga nga nagapabudlay sa iya pagginhawa.
Wala sang bisan isa ka picture ukon video sa Pope nga ginpakita sa publiko halin sang gindala ini sa ospital sang Pebrero 14. Ini man ang pinakamalawig nga tion nga wala siya nakit-an sang mga tumuluo halin sang nagpungko siya bilang lider sang Roman Catholic Church sadtong Marso 2013.
