Gin-abswelto sang Sandiganbayan si Chief Presidential Legal Counsel Juan Ponce Enrile kag ang kaupod sini nga akusado nga sanday Gigi Reyes kag Janet Napoles sa plunder case nga may kaangtanan sa pork barrel scam.
Sanday Enrile kag Reyes ang gin-akusaran nga nagkunsabo kay Napoles agud makatipon sang P172.83 million nga kickbacks gikan sa Priority Development Assistance Fund (PDAF) sang anay presidente sang Senado pinaagi sa ghost NGOs nga ginhimo ni Napoles.
Ang Sandiganbayan Special Third Division napaslawan sa pagpamatuod sang alegasyon nga si Enrile nakabaton sang porsyento sang gasto sang bisan ano nga proyekto nga ginpondohan gikan sa iya PDAF bilang konsiderasyon para sa pag-endorso sa mga NGO ni Napoles. Nakita nga “speculative and baseless” ang prosekusyon nga ang kaupod nga akusado ni Enrile indi makatapos sang plano kon wala ang iya ihibalo kag kooperasyon.
Nagpahayag man ang anti-graft court nga ang testimonya sang prosecution witness nga si Ruby Tuason sa paghatag sang kuwarta nga iya gin-alegar nabaton gikan kay Napoles ukon Benhur Luy kay Reyes, ang kulang sang mga detalye ukon partikular sang ginaalegar nga mga deliveries, ang mga kantidad kag ang mga petsa.
Ang korte, wala man sang nakita nga basehan agud mag-conclude sa testimonya ni Tuason, nga si Reyes nakabaton sang kuwarta nga nagalab-ot sa P46.38 million.
Ginpanginwala man ni Gigi Reyes nga nagpirma sang endorsement letters, nakabaton sang kickbacks sang PDAF sa kaso nga Enrile plunder
Sa liability ni Napoles, ang Sandiganbayan nagsiling nga ang ginpresentar nga ebidensya napaslawan sa paghimosang iya act of giving kickbacks ukon mga komisyon kay Enrile kag kay Reyes.
Sanday Enrile, Napoles, kag Reyes may yara pa sang pending nga kaso sang graft sa Sandiganbayan.
Si Napoles ang nakasentensya bangud sa conviction sa graft kag iban pa nga krimen nga may kaangtanan sa PDAF kag sang iban pa nga mga mamalidha.
Sang 2015, ginhatagan sang Korte Suprema ang petisyon ni Enrile para sa piyansa sa humanitarian reasons. Si Reyes nakaguwa man sa presuhan sang 2023 paagi sa Petition for Habeas Corpus sa pila ka mga kondisyon, lakip ang pisikal nga pagtambong sa mga hearing.
Una na nga gin-abswelto sanday Senador Ramon “Bong” Revilla Jr kag Jinggoy Estrada sa kaso nga plunder may kaangtanan sa scam sang PDAF.
