Nagpatigayon sang inspeksyon si Department of the Interior and Local Government (DILG) Sec. Jonvic Remulla sa New Quezon City Jail nga amo ang posible dal-an sang mga indibidwal nga involved sa flood control projects.
Base sa video nga gin-release sang DILG, may yara sang lima ka double deck beds, may lababo, kag may CR sa kada kwarto.
Separado ang pasilidad para sa babaye kag lalaki nga detainees. May yara man sang laundry area, may chapel, kag may receiving area para sa mga bibisita.
Suno kay Remulla, mahimo makadala ang mga bisita sang luto na nga pagkaon lima ka beses sa isa ka semana, magluwas sa adlaw sang Lunes kag Byernes.
Hugot nga dumilian ang paggamit sang cellphones, tablets, kag tanan nga communication devices. May yara lamang sang landline sa facility nga mahimo magamit kun may request sa warden.
“The rules of the jail will apply to the rich and to the poor the same,” pahayag ni Remulla.
“We are preparing regular jail cells. If a thief of P100 at SM, if a thief and a shoplifter of lotion are jailed here, those who steal billions, in my opinion, should also be jailed here,” dugang sini.
Una na nga ginpahayag nga posible maglab-ot sa 200 ang makasuhan gani nga ginahandaan na nila ini.
“We assumed that the first round of indictment will come in the next three weeks. However, I have no personal knowledge of what the Ombudsman is doing pero base sa nakikita ko mabibigat na ang mga ebidensya na pinakita ng Senado,” pahayag pa ni Remulla.#