Nagpaandam ang Department of Agriculture (DA) sa posible nga pagtimbuok sa presyo sang imported products kun magdugay pa ang gyera sa Middle East.
Pareho man ini sa sentimyento sang mga ekonomista kag mga grupo sang local farmers.
Kasunod ini sang reports nga siradhan ang Strait of Hormuz nga isa sa pinaka-kritikal nga area sa kalibutan kun sa diin nagaagi ang one-fifth sang langis ngaginakonsumo sang kalibutan.
Suno kay Agriculture Secretary Francisco Tiu Laurel Jr., kun basehan ang nauna nga mga eksperyensya, magasaka ang presyo sang langis sa kada may disruption sa amo nga strait.
Maapektuhan sini ang petroleum-based fertilizers, freight costs, kag ang gatong nga amo ang nagapaandar sa makina nga ginagamit sang mga mangunguma kag mga manugpangisda.
Magluwas diri suno kay Laurel, dungan pa ini sa tyempo kun sa diin isa man ka pagpanghangkat sa mga producers ang pag-stabilize sang kadamuon sang produkto bangud sang tuman ka init nga tyempo.
Bangud sa mataas nga bunker fuel costs, magasaka man ang shipping rates kag makaapekto sa iban nga imports pati na sa presyo sang tinapay, poultry, kag pork, kag mas mabudlayan ang gobyerno sa pagtapna sa food inflation.
