Ginalauman nga magasaka ang presyo sang Noche Buena items antes ang paskwa.
Suno kay Steven Cua, presidente sang Philippine Amalgamated Supermarkets Association, ang truck ban nga maga-umpisa sa Disyembre 14 amo ang ginatudlo
rason sang nga suppliers sa pagpataas sa presyo sang mga basic kag prime commodities.
Magluwas sini suno kay Cua, ang padayon nga relief efforts sa mga lugar nga apektado sang bagyo ang rason man sa pagnubo sang supply sang produkto.
Ang paghatag sang regalo sa personal nga pamaagi ang naghina naman, bangud limitado lang ang mga ‘meet ups’.
Suno kay Cua, mas ginapili subong sang kadam-an ang “virtual gifts” para sa ila mga ihado ukon ihada kag mga pinalangga sa kabuhi.
Sa pihak sang pagtaas sa presyo sang mga balaklon, ginalauman nga madamo sa gihapon nga mga customers ang magadugok sang mga supermarkerts tatlo tubtub
apat ka adlaw antes ang Paskwa agud magbakal sang mga pagkaon para sa Noche Buena.
“Despite price increases, consumers are still seen to flock supermarkets “3 to 4 days before Christmas” to purchase food items for Noche Buena feast,” pahayag
ni Cua.
Nagpanugyan man ang natungdan sa publiko nga magbakal sang temprano pa agud malikawan ang pagtaas sa presyo sang mga balaklon, shortage sang produkto
kag paglapta sang COVID-19.
“Yun lang ang potential problem pag nag sabay-sabay last minute, hindi distributed sa mga lugar. Pag sabay sabay sa iilang lugar, may mga areas na kukulangin.
At maaaring tumaas ang presyo ng mga kinulang,” dugang pa sang natungdan
