Nagsaka sang P40 kada kilo ang presyo sang tamudyos bangud sa epekto sang Bagyo Aghon.
Suno sa Bureau of Fisheries and Aquatic Resources (BFAR), sa inisyal nga reports, ang bagyo ang nag-damage sang P1-milion nga balor sang sini nga isda.
Sa monitoring sang ahensya, nahimo na nga P240 ang presyo nga yara lang anay sa P200 per kilo.
Apisar sini, ginapahayag nga estable gihapon ang suplay sang isda sa pungsod bangud indi man locally sourced ang tanan nga isda nga ginabaligya sa merkado.
Ginahulat pa sang BFAR ang reports sa bilog nga damage ang nabilin sang bagyo sa fisheries sector. Sandig sa National Disaster Risk Reduction and Management Council (NDRRMC), yara sa P21,651,548 ang balor sang kahalitan sang amo nga bagyo sa bug-os nga sector sang agrikultura.
