Nakuha sa CCTV footage ang isa ka pribado nga salakyan nga nagpalagyo matapos nga nagpatughong sang krudo sa isa ka gasoline station sa Quezon City.
Suno sa pump attendant, namangkot anay ang driver sang nasambit nga salakyan kun may ara pa sang diesel ang gasolinahan antes nga ini nga nagpatughong kag nagpalagyo.
Gintinguhaan pa nga lagson sang attendant ang driver paagi sa pagsakay sang motor, apang wala na sini makit-an ang naglagyo nga indibidwal.
Nahibaluan nga naglab-ot sa P5,196.45 ang balor sang diesel ang wala ginbayran sang driver.
Sa subong, gina-imbestigaran pa sang mga awtoridad ang nagluntad nga insidente.
