Ginpaidalom sa mandatory drug testing ang 110 ka mga hepe sang pulis sa Western Visayas.
Suno kay PRO6 Regional Director Police Brigadier General Josefino Ligan, kabahin ini sang mas ginpabaskog nga integrity monitoring kag nagapadayon nga commitment sa internal cleansing.
Pahayag ni Ligan, ini nga tikang ang nagapakita sang prinsipyo nga kinahanglan nga ang mga hepe sang kapulisan ang dapat magserbe nga maayo nga ehemplo.
Ini santo man sa prayoridad ni Philippine National Police Chief Police General Jose Melencio Nartatez Jr. nga pagtib-ong sang propsyonalismo kag ipabilin ang pagsalig sang publiko sa organisasyon sa diin man nga lebel.
Ang mandatory drug test ginpatigayon kahapon, Pebrero 2, 2026 sa PRO6 Multi-Purpose Hall.
