ILOILO CITY – Nagapanghanda na ang probinsya sang Iloilo sa ginalauman nga surge sang kaso sang COVID-19 sa bulan sang Hunyo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ginahanda na sang probinsya ang executive order nga naga-unod sang mga pamaagi sa posible pagsaka sang kaso.
Suno sa gobernador, kun may yara sang na-detect nga variant sa iban nga pungsod, ginalauman man nga magsulod man diri sa pungsod sa sulod sang duha ka bulan ukon mas manubo pa.
Dugang pa sang gobernador, madata ang trangkaso sa bulan sang Hunyo apang indi mahibaluan kun bala ordinaryo nga trangkaso ukon strain na sang COVID-19.
Pahayag dugang sang gobernador, ang bakuna amo ang pinakamaayo nga panagang kag natapos na ang stage kun sa diin, may yara sang ginapatigayon nga mga lockdown.
May yara naman sang mga programa ang probinsya nga ginhanda sa posible pagtimbuok sang kaso sang COVID-19.
