Ginpresentar sa International Criminal Court (ICC) ang “PRRD List” ukon ang listahan sang mga high-value targets ni former President Rodrigo Duterte sa kasagsagan sang iya implementasyon sang drug war.
Ginpakita ini sang trial lawyer sang prosekusyon nga si Edward Jeremy sa ikaduha nga adlaw sang confirmation of charges hearing sa ICC Pre-Trial Chamber I, Pebrero 24.
Suno kay Jeremy, ini nga listahan ang mahimo kabigon nga “death list.”
Gingamit sang prosecution nga listahan agud i-establisar nga responsable si Duterte sa kaso nga pagpamatay kag tuyo nga pagpamatay sa 59 ka mga indibidwal.
Sa sini nga numero, 14 ang “high-value targets” nga ginpatay sang 2016 kag 2017.
Ginpatay man ang 43 ka iban pa kag gintuyo patyon ang duha ka mga indibidwal sa barangay-level operations sang pulis sang 2016 tubtub 2018.
“It’s worth pausing here and taking a step back… this is the President of the Philippines, commander in chief, the most powerful man in the Philippines, pointing directly at the crowd and telling them to kill someone’s child…. simply because they may have an addiction to drugs,” suno pa sa trial lawyer samtang padayon ang iya presentasyon.
Ginsugid man sang prosecution sa judges nga pila ka beses nga ginpadayaw pa ni Duterte ang iya drug matrix.
Wala man ginpalampuwas sang prosecution ang lahog ni former President Rodrigo Duterte nga mangin maayo nga negosyo ang punerarya kadungan sang iya nga pagpatuman sang drug war.
Sa amo nga statement, nagpahayag si Duterte nga kun maghina na ang negosyo sa punerarya, hambalon lang sini ang mga pulis nga dasig-dasigon ang pagpamatay.
Three counts of crimes against humanity ang ginapangatubang ni Duterte sa ICC kun sa diin may ginplastar nga 76 ka mga kaso sang pagpatay halin sang 2013-2018. Ini nga record suno sa prosekusyon ang porsyon pa gid lamang ukon “mere fraction” sang linibo nga nagkalamatay sa “war on drugs” campaign sang mayor pa si Duterte tubtub nga na-eleher na bilang presidente.#
 ang "PRRD List" ukon ang listahan sang mga high-value targets ni former President Duterte.){kind=link}