ILOILO CITY- Magasugod na sa pagpangdakop ang Public Safety and Transportation Management Office sa mga pasaway nga driver sang tricycle apisar nga gindumili-an na ang pagbyahe bangud sa Enhanced Community Quarantine sa syudad sang Iloilo.
Sa interview sang Bombo Radyo kay Jeck Conlu, pinuno sang Public Safety and Transportation Management Office, iya ginpahayag nga dakpon ang mga tricycle driver nga nagabyahe sa palibot sang syudad.
Suno kay Conlu, fully deployed na ang mga personnel sang Highway Patrol Group, Land Transportation Office kag Public Safety and Transportation Management Office agud magpangdakop.
Ginpahayag ni Conlu nga sa tion nga madakpan, magapangatubang sang sampaw-sampaw nga kaso ang driver.
Sa subong, for private use lang ang mga tricycle apang nagakadapat nga may yara sang quarantine pass.
