Ginatukod sa Texas, USA ang mga public clinic para sa mas madasig nga pagpabakuna sang pumuluyo sa COVID-19.
Suno kay Bombo International Correspondent Arnel Noel Gellada, direkta sa Houston, Texas, USA, iya ginpahayag nga padayon pa nga nagasaka ang kaso sang COVID-19 sa ila lugar.
Pahayag ni Gellada, nagakakulang na ang mga medical personnel kag napuno naman sang mga pasyente sang COVID-19 ang mga ospital.
Pasalamat lamang ang natungdan nga amat-amat nga nagadamo ang ginatukod nga mga public clinic agud mabakunahan ang mga pumuluyo ilabi na ang senior cetizens kag mga vulnerable sa nasambit nga virus.
Dugang pa sang natungdan, may kinamatarong ang mga tawo kun Pfizer ukon Moderna nga bakuna ang mas pilion nga i-inject sa ila.
