ILOILO – Arestado ang isa ka pulis nga ginapahayag suspek sa pagpangluthang sa iya man lang hinablos sa Sibunag, Guimaras.
Ang suspek ginkilala nga si Pol Ex Jonathan Magan, hepe sang Jordan Municipal Police Station samtang biktima amo naman si Cyril Magan 27.
Sa interview sang Bombo Radyo kay Pol Cap Rico Sta Anna, hepe sang Jordan, Municipal Police Station iya ginpahayag nga nagalakat lang biktima
sang gulpi lang ini nga gintiro sang suspek.
Suno kay Sta Anna, nagsinggitanay pa ang duha bag-o nag luntad ang nasambit nga insidente.
Naka agom naman sang igo sang bala sa iya nawala nga mata ang biktima nga gilayon naman nga gindala sa ospital.
Posible nga daan nga hiligut-anon naman ang ginatan-aw nila nga rason sang pagpangluthang.
Padayon naman ang ginapatigayon nila nga imbestigasyon agud mahibaluan ang matuod nga motibo sang nasambit nga insidente.
