ILOILO CITY — Ginakwestyon sang mga pumuluyo sang Barangay Loboc, Lapuz, Iloilo City kun san-o magamit ang proyekto nga multipurpose gym bangud natapos naman ini nga mahuman.
Sa interview sang Bombo Radyo kay Punong Barangay Pancho Vijuan, iya ginpahayag nga may mga kakulangan pa nga kagamitan ang multipurpose gym agud buksan kag gamiton.
Suno kay Vijuan, duha ka halintang ang main nga building sa diin nagaserbe nga barangay hall kag event hall sang ginahiwat nga mga programa sang barangay.
Gin-ako man ni Vijuan nga ang yabi sang pavilion nga kabahin man sang multipurpose gym ang naturn-over na sa iya sang contractor sang Disyembre 2023 pa.
Gin-athag man sang punong barangay nga indi pa mahimo nga mabuksan ang pavilion bangud sa ini ang wala pa sang pormal nga turnover ceremony.
Nahibaluan nga ang proyekto ang yara sa idalum sang programa ni Iloilo City Lone District Representative Jamjam Baronda.
